“Qaçqın bazarı” dağıdıldı
16 oktyabr 2009 11:45 (UTC +04:00)

“Qaçqın bazarı” dağıdıldı

Bazarın dağıdılmasına etiraz edən ticarətçilərlə polis arasında xırda insidentlər yaransa da, obyektin köçürülməsi təxirə salınmayıb

Bu gün Bakı şəhəri Binəqədi rayonu Dərnəgül qəsəbəsindəki "Qaçqın bazarı" kimi tanınan ticarət mərkəzi dağıdılıb.


ANS PRESS-in hadisə yerində olan əməkdaşının verdiyi məlumata görə, təxminən 2 saat əvvəl həmin əraziyə ağır texnika gətirilərək, bazardakı xırda ticarət obyektləri, piştaxtalar dağıdılıb. Əraziyə xeyli sayda polis qüvvələri cəlb olunub.


Bazarın dağıdılmasına etiraz edən ticarətçilərlə polis arasında xırda insidentlər yaransa da, bazarın köçürülməsi təxirə salınmayıb. Hazırda da bazarda söküntü işləri davam edir.
Qeyd edək ki, əsasən Füzuli və Ağdam rayonundan olan məcburi köçkünlərin ticarətlə məşğul olduğu bazarın bir neçə dəfə bağlanacağı bildirilsə də, ticarətçilərin etirazından sonra bu həyata keçirilməmişdi. Bazarda təxminən 1000-ə yaxın məcburi köçkünün ticarətlə məşğul olduğu bildirilir.
# 1269

Oxşar yazılar