Bu gün saat 15.00-da Bakı və Sumqayıtın suyu kəsiləcək

“Sumqayıtelektrikşəbə” borcların ödənməsində “Azərsu”ya heç bir güzəştə getmək fikrində deyil

“Azərsu” Səhmdar Cəmiyyətinin “Sumqayıtelektrikşəbə” olan borclarının ödənməsi istiqamətində heç bir tədbir görməib. Bu səbəbdən də bu gün saat 15.00-da “Azərsu”yun müəssisələrinə elektrik enerjisinin verilişi dayandırılacaq”.

“Sumqayıtelektrikşəbə”nin mətbuat xidmətinin rəhbəri Anar Quliyev Lent.az-a açıqlamasında belə deyib. Onun sözlərinə görə, borcların ödənməsi üçün qarşı tərəfə bir həftə vaxt verilmişdi və bu barədə xəbərdarlıq rəsmən “Azərsu” ya təqdim edilmişdi. Ancaq “Azərsu” ötən bir həftədə borcların ödənməsi istiqamətində heç bir real tədbir görməyib.

Anar Quliyev “Azərsu” rəhbərliyinin “Sumqayıtelektrikşəbə” 47 milyon deyil, 21 milyon manat olmasına dair açıqlamasına da münasibət bildirib. Onun sözlərinə görə, 21 milyon manat son iki ildə yaranmış borclara aiddir. 26 milyon manat isə 2006-cı ilə qədər yaranmış borclardır: “2006-cı ildə “Sumqayıtelektrikşəbə”də sadəcə idarəetmə forması dəyişdirilib, şirkətə olan borcları biz yığmalıyıq. Ancaq biz “Azərsu”dan hələlik son iki ildə yaranmış borcu tələb edirik. Bu borc ödənməyincə, heç bir güzəştdən söhbət gedə bilməz”.

Elxan SALAHOV