Yadplanetlilər SSRİ əsgərlərini oldürüb – Mərkəzi Kəşfiyyat İdarəsinin dəhşətli HESABATI

Amerika Mərkəzi Kəşfiyyat İdarəsi dərhal mediada müzakirə dalğasına səbəb olan sənədin məxfiliyini ləğv edib.

Lent.az-ın xarici mediaya istindla xəbərinə görə, burada 1980-ci illərin sonlarında SSRİ ərazisində baş verdiyi iddia edilən təəccüblü epizoddan bəhs edilir. Mərkəzi Kəşfiyyat İdarəsinin hesabatında yer alan məlumata görə, sovet hərbçiləri yerdən kənar mənşəli olduğu ehtimal edilən naməlum təyyarəni vurublar. Hadisənin faciə ilə başa çatıb - sağ qalan yadplanetlilərin hücumu nəticəsində təxminən iyirmi əsgərin daşa çevrildiyi iddia edilir.

“Fox News” kanalının tanış olduğu sənəddə sirli bir epizod təsvir olunur: hərbi obyektin üstündəki səmada boşqab şəklində aşağı uçan bir obyekt görünüb. Sovet hərbçiləri onu təhdid kimi qəbul ediblər və "yer-hava" raketini buraxıb lar. Cihaz qəzaya uğrayıb, amma hekayə bununla bitməyib.

Qəzaya uğrayan gəmidən, qeyri-mütənasib olaraq böyük başları və qara gözləri olan beş kiçik boylu məxluqun çıxdığı iddia edilir. Hesabata görə, bu humanoidlər gözlənilmədən yüksək səs-küy yaradan vahid enerji formasiyasına birləşib.

Bir anda obyekt göz qamaşdıran bir işıqla alovlanıb və yaxınlıqdakı 23 hərbçinin dərhal daşlaşdığı bildirilir. Yalnız ikisi xilas ola bilib-görünür, kölgədə olublar və sirli bir alovun tam təsiri altına düşməyiblər.

Bu məlumatlara inanılırsa, hadisə 1989-1990-cı illər arasında baş vermiş ola bilər. Məlumat ilk dəfə 1993-cü ildə “Canadian Weekly World News” nəşrində ortaya çıxıb və indi Mərkəzi Kəşfiyyat İdarəsi hesabatının dərcindən sonra daha çox ictimaiyyətə çatdırılıb.

Sənəddə həmçinin ABŞ kəşfiyyatının adı açıqlanmayan mənbəsinin təklifi də var ki, əgər “KQB” faylındakı məlumatlar həqiqidirsə, bu, “fövqəladə narahatedici hadisə” təşkil edəcək. Onun sözlərinə görə, yadplanetlilərin əks-hücumlarında istifadə olunan texnologiyalar nümayiş etdirir ki, onlar özlərini müdafiə etmək iqtidarındadırlar və bizim bütün anlayışımızdan üstün potensiala malikdirlər.

Maraqlıdır ki, bu məlumatlar ictimaiyyətə açıqlanmazdan əvvəl belə bir hekayə hətta şayiələr səviyyəsində də məlum deyildi. Üstəlik, Mərkəzi Kəşfiyyat İdarəsinə məlumat verən mənbə hələ də açıqlanmayıb. Hesabatın özü bir çox sualları cavabsız qoyur, o cümlədən təsvir etdiyi hadisələrin həqiqiliyi və uzun illər epizodu ört-basdır etmək motivləri.