HƏMAS-ın qurucusunun oğlundan İsrailə ÇAĞIRIŞ: Atamı öldürün

Noyabrın 29-da HƏMAS terror qruplaşmasının ilkin qurucularından birinin oğlu Mosab Həsən Yusif bildirib ki, İsrail terrorçulardan bütün girovları azad etməyi tələb etməlidir. Eyni zamanda, bu tələbi yerinə yetirmək üçün onlara müəyyən müddət verilməlidir.

Lent.az xarici mediaya istinadla bildirir ki, onun sözlərinə görə, yaraqlılar bunu etməsə, Qüds onun atası Şeyx Həsən Yusifi və qruplaşmanın digər yüksək vəzifəli üzvlərini öldürə bilər.

O qeyd edib ki, HƏMAS öz şərtləri əsasında razılıq əldə etmək üçün atəşkəsin uzadılması ilə bağlı danışıqları bilərəkdən yubadır. Cinayətlərinə görə cəzadan yayınmaq üçün əllərindən gələni etdikləri üçün bu, əbədi davam edə bilər. Ona görə də İsrail yaraqlılara sərt ultimatum verməlidir.

Mosab Hasan Yusef Ramallahda anadan olub. Gənc yaşlarında HƏMAS-ın fəaliyyətlərində fəal iştirak edib. O, atasının vəzifəsinə namizədi idi, lakin İsrail həbsxanasında olarkən HƏMAS-ın ideologiyası və taktikası ilə bağlı fikrini dəyişdi. O, həmçinin qruplaşmanın ekstremizmindən məyus olub.