354 nəfərlik qurultay nümayəndələri onun namizədliyini yekdilliklə dəstəkləyiblər
Bakıdakı Opera və Balet Teatrında Azərbaycan Respublikası Dağlıq Qarabağ bölgəsinin Azərbaycanlı İcmasının qurultayı fasilədən sonra davam edib. Lent.az-ın əməkdaşı xəbər verir ki, indiyə qədər Dağlıq Qarabağın Azərbaycanlı İcması İctimai Birliyi adlanan qurumun adı dəyişdirilib. Bundan sonra qurum Azərbaycan Respublikası Dağlıq Qarabağ Bölgəsinin Azərbaycanlı İcması İctimai Birliyi adlandırılacaq.
Qurultayda icmanın yeni nizamnaməsi qəbul olunub. Azərbaycan Respublikası Dağlıq Qarabağ Bölgəsinin Azərbaycanlı İcması İctimai Birliyi 22 nəfərdən ibarət İdarə Heyəti, 5 nəfərlik Nəzarət-Təftiş Komissiyası formalaşdırılıb. Şuşa Rayon İcra Hakimiyyətinin başçısı Bayram Səfərov İdarə Heyətinin sədri seçilib. B.Səfərov sədrliyə yeganə namizəd olub, 354 nəfərlik qurultay nümayəndələri onun namizədliyini yekdilliklə dəstəkləyiblər.
Bununla da qurultay başa çatıb.
Qurultaydan dərhal sonra qurumun İdarə Heyətinin ilk toplantısı keçirilib. Toplantıda icmanın Əlaqələndirmə Şurası yaradılıb. Azərbaycan Müəllimlər İnstitutun prorektoru Mehdi Abdullayev Əlaqələndirmə Şurasının sədri seçilib.
Pərvin ABBASOV
Bayram Səfərov Dağlıq Qarabağın Azərbaycanlı İcmasının rəhbəri seçildi
473
Oxşar yazılar
“İmam Hüseyn üçün ağlayıb-sızlamaq olduqca anormal haldır” - Rafiq Əliyev
15 avqust 2022 , 16:30
İlham Əliyevdən Qarabağ ermənilərinə MESAJ: "Nə status olacaq, nə də hansısa xüsusi imtiyaz"
12 avqust 2022 , 19:00
Prezident “Qisas” əməliyyatından DANIŞDI
12 avqust 2022 , 17:15
Sosial şəbəkələrdə paylaşım edən daha iki hərbçi ordudan çıxarıldı
12 avqust 2022 , 09:15
Uşaqlıqdan “Hoca” olan, küçədə alver edən, futboldan siyasətə gələn adam - ONU TANI
10 avqust 2022 , 20:15
Azərbaycan və Türkiyə prezidentləri Konyada görüşdü
10 avqust 2022 , 00:48
Birinci vitse-prezident İslamiadanın açılışından video paylaşdı - VİDEO
10 avqust 2022 , 00:16
