Bir neçə metr yeraltında quraşdırılan bunker hətta nüvə partlayışının təsirlərindən belə qoruyacaq.
Kiçik "ev bunkerləri" Almaniyada satışa çıxarılıb və tezliklə hipermarketlərin bağçılıq bölməsində əldə etmək mümkün olacaq.
Lent.az-ın xarici mediaya istinadla bildirdiyinə görə, kompakt, təhlükəsiz 16 kvadratmetrlik modul 20 santimetr qalınlığında divarları olan polad dəmir-betondan hazırlanıb.
Bir həftəlik müstəqil yaşayış üçün lazım olan hər şey var: dörd qatlanan çarpayı, tualet, duş, mini mətbəx və pəncərə mənzərəsini simulyasiya edən ekran. İşıqlandırma rəng və parlaqlıq baxımından tənzimlənə bilər.
Bu sığınacağın inşaatçısı, BSSD Defence şirkətinin rəhbəri Mario Peyde iddia edir ki, bunker dronların, minaların və hətta 107 millimetrlik raketlərin hücumlarına tab gətirə bilir.
Əgər bunker bir neçə metr yeraltında quraşdırılarsa, episentri ən azı 20 kilometr uzaqlıqda olması şərtilə, nüvə partlayışının təsirlərindən belə qoruyacaq.
Ev bunkerinin qiyməti əsas model üçün 50.000 avrodan tam təchiz olunmuş model üçün 150.000 avroya qədər dəyişir. İstehsal təxminən 70 iş günü çəkir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
