Tehranın İrəvandakı səfirliyinin ermənilərə yersiz yarınmaq istəyi

İslam Respublikasının Ermənistandakı səfirliyinin mətbuat katib Həmid Muradxani ölkəsinin mövqeyini açıqlamaqdan çəkinib.

Lent.az-ın «Novosti-Armenii»-yə istinadən məlumatına görə, o, adı çəkilən informasiya vasitəsinə müsahibəsində deyib:«Şəxsi bəyanatları şərh etmirəm».

Məlum olduğu kimi İran rəsmiləri Azərbaycanda və beynəlxalq qurumlardakı çıxışlarında Azərbaycan Respublikasının ərazi bütövlüyünü tanıdıqlarını, habelə Ermənistanın işğal etdiyi Azərbaycan torpaqlarından, Qarabağdan çıxmasını dəfələrlə bəyan ediblər.

Bu mövqeyi Tehranın ölkəmizdəki səfiri Möhsün Pakayin də respublikamızın informasiya vasitələrinə müsahibəsində bildirib:«İran Dağlıq Qarabağı Azərbaycanın ərazisi sayır».

Həmid Muradxani isə müsahibəsində bunları deyib:«İran hesab edir ki, Qarabağ münaqişəsi dinc danışıqlar yolu ilə həll edilməlidir. Biz bölgə dövlətlərinin problemlərini həll etməsi qabiliyyətinə malik olduqlarına əminik. İslam Respublikasının Qarabağ münaqişəsi ilə bağlı mövqeyi dəyişməzdir. Buna uyğun olaraq, İranın Ermənistandakı səfirliyi şəxsi bəyanatları şərh etmir».