Yalnızlıq ölüm riskini artırır

Yalnız insanların vaxtından əvvəl ölüm, demans və ürək-damar xəstəlikləri riskinin daha yüksək olduğuna dair artan sübutlar var.

Lent.az xarici mətbuataistnadən xəbər verir ki, araşdırmalara görə, indiki vaxtda sosial təmasların olmaması ictimai sağlamlıq probleminə çevrilib.

Yalnızlıq bəzən təcrid ilə eyniləşdirilir, lakin bu iki amil eyni şey deyil. İzolyasiya az və ya çox aydın meyarlara malikdir: ailənin olmaması, başqaları ilə nadir təmaslar və s. Yalnızlıq subyektiv və kifayət qədər qeyri-müəyyən bir anlayışdır. İnsan səhrada tək yaşayıb özünü tənha hiss etməyə bilər, ya da böyük bir ailənin üzvü olub yaxınlıqda can yoldaşı olmadığı üçün əziyyət çəkə bilər.

Araşdırmalar göstərir ki, 35 yaşdan yuxarı insanların üçdə biri və qocalar evlərindən kənarda yaşayan yaşlıların təxminən dörddə biri özlərini tənha hesab edirl.

Yalnızlıq həmişə yaşlı təbəqə ilə əlaqələndirilib. Ancaq indi bu, gənclər üçün problemdir. Araşdırmalara görə, 18-24 yaşlı gənclərin təxminən 80 faizi özünü tənha hiss edir.

Brigham Young Universitetinin alimləri 1980-2014-cü illərdə təklik və sosial təcrid və bütün səbəblərdən ölüm riski arasındakı əlaqəyə dair aparılmış 70 elmi işi təhlil ediblər. Orada ümumilikdə üç milyon yarıma yaxın insanın məlumatları toplanıb.

Məlum olub ki, ailəsiz yaşayanlar üçün ölüm riski 32 faiz, sosial cəhətdən təcrid olunmuşlar üçün isə 29 faiz, hətta özünü tənha hiss etmək də vaxtından əvvəl ölüm ehtimalını 26 faiz artırır.