Orqanizm üçün ən faydalı çörək: Həkim sirri açdı

Dietoloq Yelena Kalen müxtəlif çörək növlərinin istifadəsindən və hansının daha faydalı olmasından danışıb.

Lent.az xarici KİV-ə istinadən xəbər verir ki, onun sözlərinə görə, bütün taxıllı və ağ çörək təxminən eyni miqdarda qida ehtiva edir.

"Çörəyin tərkibində həm arıqlamaq, həm də bütövlükdə bədən üçün faydalı olan kalsium, dəmir, maqnezium var. Hər iki çörək növü xolesterol səviyyəsinə və bağırsaq mikroflorasına müsbət təsir göstərir. Buna görə də, hər hansı bir çörək növünü seçərkən, onun faydalılıq səviyyəsi təxminən eynidir" - dietoloq bildirib.

Buna baxmayaraq, onlar arasında hələ də fərq var.

Mütəxəssis deyir ki, orqanizm tam taxıllı çörəyi daha yavaş həzm edir, bu da qan şəkərinin daha yavaş artmasına gətirib çıxarır və orqanizmə alınan enerjini dərhal istifadə etməyə imkan verir. Tərəvəz, göyərti və salat ilə çörək yeyərkən onun görünüşü həlledici əhəmiyyət kəsb etmir.

"Çörək və digər un məmulatlarını bal və ya şirin meyvələr, kartof, balqabaq və qaynadılmış yerkökü ilə yemək məsləhət görülmür", - mütəxəssis əlavə edib.