Şəms Təbrizidən Mövlanəyə: İrfan xəzinəsində Azərbaycan izləri - FOTO

Lent.az-ın məlumatına görə, “Avrasiya Beynəlxalq Araşdırmalar İnstitutu” İctimai Birliyinin təşkilatçılığı və İslam Kofransı Gənclər Forumunun dəstəyi ilə konfransda Dini Qurumlarla iş üzrə Dövlət Komitəsinin sədri Elşad İsgəndərov, millət vəkili sədri Qənirə Paşayeva, ziyalılar və mətbuat nümayəndələri iştirak edib.

Tədbirdə çıxış edən Elşad İskəndərov İslam mədəniyyətinin bir nümunəsi olan İrfan mədəni irsinə Azərbaycan alim və mütəfəkkirlərinin verdiyi töhfələrdən danışıb və bu gün də həmin irsin dərindən öyrənilməsinin zəruri olduğunu qeyd edib.

Daha sonra çıxış edən Qənirə Paşayevaya bildirib ki, irfan və təsəvvüf tarixinin, ədəbiyyatının daha geniş şəkildə təbliğata ehtiyac var. O, Şəms Təbrizidən Mövlanayadək olan bütün məqamlardan danışaraq irfan alimlərinin islamın inkişafındakı rolundan söhbət açıb. Millət vəkili Şəms Təbrizi, Cəlaləddin Rumi, Şirvani, Bakuvi kimi irfan alimlərinin rolunu xüsusi qeyd edib.

Tədbirdə çıxış edən ilahiyyatçı alim, akademik Vasim Məmmədəliyev bildirib ki, qloballaşan dünyamızda islamın inkişafında Mövlanənin əsərlərinə xüsusi ehtiyac var. O deyib ki, Fars körfəzi müharibəsi zamanı amerikan ordusunun yüksək rütbəli zabitlərinin islamı qəbul etməsində "Qurani -Kərim"lə yanaşı Ruminin "Məsnəvi"sinin müstəsna rolu olub.

Tədbirin sonunda irfan mədəni irsinə həsr olunmuş tədbirlərin, silsilə tədbirlər olaraq davamlı keçirilməsi qərara alınıb.