Xalq Teatrları Festivalı başlayıb

İdarədən Lent.az-a verilən məlumata görə, festival mədəniyyət müəssisələrində fəaliyyət göstərən Xalq teatrları və dram dərnəklərinin işinin daha da səmərəli təşkili, özfəaliyyət teatr kollektivlərinə gənc nəslin cəlb edilməsi, onların fəaliyyətini dövrün tələblərinə uyğun qurmaq, müasir formaların tətbiq olunması, əhalinin teatr sənətinə marağının artırılması məqsədi ilə təşkil olunub.

Xalq teatrlarına Bakı Şəhər Mədəniyyət və Turizm İdarəsinin ötən il keçirdiyi kiçik həcmli hekayələr və bir pərdəli pyeslər müsabiqəsində qalib gəlmiş müəlliflərin əsərləri təqdim edilib. Gənc yazarların xalq teatrları ilə ilk tandemi builki festivalı daha da maraqlı edən səbəblərdən biridir.

Festivalın münsiflər heyətinin tərkibinə Könül Axundova, Atababa Hacıbabayev, Loğman Kərimov, Azad Şükürov, Aydın Əzimov daxildir.
Qalib gəlmiş kollektivlər diplom və mükafatlarla yanaşı, Xalq Teatrlarının Ümumrespublika Baxış - Müsabiqəsinə vəsiqə qazanır.

Bakı şəhər Xalq Teatrları Festivalı qaliblərinin təqdimat mərasimi aprelin 27-də A.Şaiq adına Dövlət Kukla Teatrında keçiriləcək.

Xəyalə