“Qarabağ istedadları” konsert keçirilib

Lent.az-ın məlumatına görə, konsert Azərbaycan Bəstəkarlar İttifaqının Şuşa Təşkilatı və Şuşa şəhər Mədəniyyət və Turizm Şöbəsinin birgə təşkilatçılığı ilə baş tutub. Tədbirdə Azərbaycan Bəstəkarlar İttifaqının sədri, xalq artisti Firəngiz Əlizadə çıxış edərək bu cür konsertlərin keçirilməsini yüksək qiymətləndirib. Musiqi əsərləri “Bülbülcan” adına musiqi məktəbinin şagirdləri Gülnar İsfəndiyarova, Tofiqə Axundzadə, Əli Məmmədov, Məhəmməd Əliyev, Nigar Vəliyeva, “Quşçular” Musiqi məktəbinin şagirdləri Həmayil Abbasova, Lamiyə Süleymanzadə, Ağaxanım Hacıyeva, “Qaladərəsi” musiqi məktəbinin şagirdləri Laçın Musayeva, Zümrüd Hüseynova, Əsmər Qafarlı, eləcə də Şuşa Musiqi Texnikumunun, Şuşa Mədəni-Maarif Texnikumunun, Şuşa İncəsənət Məktəbinin, “Malıbəyli” Musiqi Məktəbinin şagirdlərinin ifasında səslənib.

Proqramda Frans İosif Hayden, Pyotr Çaykovski, Fredirik Şopen, Çi Moroza, Qara Qarayev, Fikrət Əmirov, Asəf Zeynallı kimi klassik bəstəkarların əsərləri ifa olunub.
Xəyalə