Bakının mərkəzində bədheybətlər, mifik məxluqlar... – FOTO

Heydər Əliyev Sarayında qeyri-adi şou nümayiş olunacaq.

Heydər Əliyev Sarayında “Ələddin - Yeni sərgüzəştlər” adlı şou nümayiş olunacaq. Sarayın mətbuat xidmətindən Lent.az-a verilən xəbərə görə, Moskva teatrının iştirakı ilə Bakıda ilk dəfə təşkil olunan unikal 3D şousunda maraqlı anlar yaşanacaq.

Belə ki, qonaqlar “sehrli” eynəklərin köməyi ilə musiqili, super-effektli, rəngarəng kostyumlu, fantastik çevrilmələrlə dolu qeyri-adi əhvalatın içinə düşəcək və tamaşanın
bilavasitə iştirakçısına çevriləcəklər. Ələddinlə birgə od və su aləminə, səma və yeraltı
şəhərlərə düşüb, ona divlə döyüş zamanı yardım edəcəklər.

Qeyri-adi effekt və 3D görüntü tamaşaçılara özlərini zalın istənilən yerindən sehrli şərq nağılının “içində” hiss etməyə imkan yaradacaq.

Gözəllər və bədheybətlər, mifik məxluqlar, sadiq Cin “Ələddin - Yeni sərgüzəştlər” adlı
tamaşada nümayiş olunacaq.

3D eynəklərin hədiyyə olunduğu şouya biletlərin qiyməti 5 manatdır.

16 noyabrda təşkil olunacaq tamaşaya biletlər şəhərin bütün kassalarında satılır.

Jalə