Pula qənaət etmək üçün universitetə təyyarə ilə gedir

Vankuverdə mənzil o qədər bahadır ki, tələbələr təhsil aldıqları yerə çatmaq üçün uçmağa məcbur olurlar.

Lent.az xarici KİV-ə istinadən xəbər verir ki, gənc əslən Kalqaridəndir.

Tələbənin əvvəlki yaşayış yeri Vankuverdə olub. Lakin payızda tətilə gedərkən kirayə götürdüyü mənzilin icarə müddətini uzatmamaq qərarına gəlib. Qayıdandan sonra yüksək mənzil qiymətləri onu təəccübləndirib.

"Mən evin qiymətini yoxlayanda çox bahalaşdığını gördüm. Təxminən 2500 dollar kirayə pulu ödəməli oldum, ona görə də onun yaşamaqdan fikrimi dəyişdim", - tələbə deyir.

Kalqariyə qayıtdıqdan sonra o, Vankuverə aviabiletlərin qiymətlərinə baxmağa başlayıb və görüb ki, gediş-gəliş 150 dollar civarındadır. Halbuki o, həftədə cəmi iki dəfə universitetdə dərsə gedir.

Valideynləri ilə Kalqaridə yaşadığı müddətdə onun uçuşlara xərclədiyi ümumi məbləğ ayda təxminən 1200 dollardır. Sonda bu, Vankuverdə təxminən 2100 dollara başa gələn bir otaqlı mənzil kirayə verməkdən qat-qat sərfəli olur.