“British Journal of Ophthalmology” jurnalında dərc edilən araşdırmada elm adamları ürək probleminin ilkin əlamətlərini aşkarlaya bilən süni intellekt proqramı hazırlayıblar.
Lent.az xarici mediaya istinadən xəbər verir ki, sözügedən proqramın ürəyin sağlamlığı ilə bağlı əhəmiyyətli məlumatları ehtiva etdiyi gözün arxasındakı kiçik arteriya və venaların qalınlığını ölçməklə işlədiyi bildirilib.
Jurnalın yaydığı məlumata əsasən, 88 min britaniyalının iştirak etdiyi araşdırmada infarkt və insultların 54 faizinin, ürək xəstəliklərindən ölümlərin isə 58 faizinin proqnozlaşdırıla biləcək.
Qeyd edək ki, həkimlər bu testin müntəzəm göz müayinələri zamanı ürəyin sağlamlığını yoxlamaq üçün istifadə oluna biləcəyini deyiblər.
Lətif İsmayılov
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
