Müğənni Çelikin məhkəmə iddiası rədd edildi

Haqqında “bəstə oğrusu” və “təriqatçı” iddialarına etiraz edib məhkəməyə baş vuran Çelikin iddiası təmin olunmayıb

Müğənni Çelikin Memar Ayşe Ersoya qarşı irəli sürdüyü təzminat davası rədd olunub.

Lent.az-ın Türkiyə mətbuatına istinadən xəbərinə görə, bir müddət öncə Ayşə Ərsoy müğənni Çelikin albomunda yer alan 27 mahnının müəllifi olduğunu iddia etmişdi. Ayşə Ərsoyun açıqlamasına görə, 10 il evli olduğu həyat yoldaşı – “Dost” Təriqətinin Lideri İhsan Güvən ondan bəstələrini müridi hesab olunan Çelikə verməyi istəyib.

Evli olduğu müddət içində bu sirri saxlamaq məcburiyyətində olduğunu söyləyən Ayşə Ersoy əri öldükdən sonra Müəllif Hüquqları Məhkəməsinə müraciət edərək, mahnıları öz adına qeydiyyatdan keçirmək istəyib. Lakin məhkəmədə əlində kifayət qədər sübut ola bilmədiyi üçün qalib gələ biməyən Ersoy apellyasiyaya müraciət etmişdi.

Çelik də öz növbəsində Sarıyer Asliyə Hüqüq Məhkəməsində Ayşe Ersoya qarşı iddia irəli sürmüşdü. Ayşe Ersoyun "bəstə oğrusu" və “təriqətçi” deyərək hüququnu tapdaladığını iddia edən Çelik 105 min TL maddi-mənəvi təzminat istəmişdi. Məhkəmə şərtləri yetərli qəbul etməyərək, iddianı rədd edib.

Lalə Yusifqızı