Azərbaycanlı gənc reper özündən yaşca böyük xanımla nişanlanıb - EKSKLÜZİV

Gənc reper Kamal Qarabasma şou-biznesin tanınmış adlarından olan şairə Leyli ilə nişanlanıb. Cütlük Məhərrəmlik ayının başlanğıcında münasibətlərini rəsmiləşdirib. Bu barədə xəbəri şairə özü Lent.az-a təsdiqləyib: “Əsl müsəlman adət-ənələri ilə nişanlandıq. Mənim qardaşlarım və özüm ibadət edirik. Buna görə də islam qayda-qanunlarına riayət etmək bizim üçün vacibdir. Nişandan əvvəl məsciddə olmuşuq, bütün ənənələrdən xəbərdar olub, riayət etmişik”.

Qeyd edək ki, reper gələcək həyat yoldaşından düz beş yaş kiçikdir: “Gizlətməyəcəm, Kamal məndən 5 yaş kiçikdir. Biz təzə tanış olanda bu səbəbdən narahat idim. O, evin yeganə oğludur. Bu onların ailəsində də, bizim ailədə də problem kimi qəbul olunmayıb. Kamalın anasını çox sevirəm, olduqca müdrik qadındır. Bütün qızlara belə ailə arzu edirəm”.

Məlumat üçün bildirək ki, Kamal və Leyli bir ildir ki, tanış olublar. Kamalın 24, Leylinin 29 yaşı var.

Lalə Yusifqızı