Bakıda tanışını öldürməyə cəhddə təqsirləndirilən Nağı Quliyevin cinayət işi üzrə məhkəmə istintaqı yekunlaşıb.
Lent.az-ın əldə etdiyi məlumata görə, bu barədə qərar Bakı Ağır Cinayətlər Məhkəməsinin hakimi Elnur Nuriyevin sədrliyi ilə keçirilən prosesdə elan edilib.
Dövlət ittihamçısı Tural Yaqubov məhkəmədən təqsirləndirilən şəxsin 7 il 10 ay 15 gün müddətinə azadlıqdan məhrum edilməsini tələb edib.
Vəkil müdafiə çıxışı üçün vaxt istəyib.
Proses fevralın 7-dək təxirə salınıb.
Qeyd edək ki, hadisə ötən ilin iyununda paytaxtın Xəzər rayonu ərazisində qeydə alınıb.
Belə ki, Nağı Quliyev aralarında yaranmış mübahisə zamanı Əlisakit Məmmədovaya bıçaq zərbəsi vurub.
Ona qarşı Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə ittiham irəli sürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
