Astarada narkotik satanlar tutuldu, 3 kilo "patı", heroin - VİDEO
24 sentyabr 2022 19:40 (UTC +04:00)

Astarada narkotik satanlar tutuldu, 3 kilo "patı", heroin - VİDEO

Sosial şəbəkə vasitəsilə əldə etdiyi narkotiki satmaq istəyən Astara sakini saxlanılıb.

Daxili İşlər Nazirliyinin mətbuat xidmətinin Lənkəran regional qrupundan Lent.az-a verilən məlumata görə, Astara rayon Polis Şöbəsinin əməkdaşlarının narkotik vasitələrin qanunsuz dövriyyəsinə qarşı keçirdikləri əməliyyat tədbirləri nəticəsində rayon sakini, əvvəllər məhkum olunmuş Firudin Nəsirov saxlanılıb. Onun üzərinə və yaşadığı evə keçirilən baxış zamanı ayrı-ayrı bükümlərdə ümumilikdə 3 kiloqramdan artıq heroin, 162 qram metamfetamin (patı) və 1 ədəd elektron tərəzi aşkarlanaraq götürülüb.

İlkin araşdırma zamanı F.Nəsirovun həmin narkotik vasitə və psixotrop maddəni sosial şəbəkə vasitəsilə əlaqə yaratdığı xaricdə yaşayan narkotacirdən satışını təşkil etmək üçün əldə etdiyi müəyyən edilib. Astara rayon Polis Şöbəsinin əməkdaşlarının keçirdiyi digər əməliyyat tədbirləri ilə narkotik vasitələrin qanunsuz dövriyyəsində şübhəli bilinən daha 3 nəfər rayon sakini saxlanılıb və şəxsi axtarış zamanı onlardan heroin aşkarlanaraq götürülüb.

Faktlarla bağlı araşdırma aparılır.

# 3249
avatar

Oxşar yazılar