"İlin sonunda neft hasilatında cüzi artım ola bilər"

Azərbaycan neft hasilatı həcminin eniş dövrünü geridə qoyub. “APA-Economics”in məlumatına görə, bunu bu gün Neftçilər Günü münasibəti ilə keçirilən mərasimdə jurnalistlərə açıqlamasında Azərbaycan Dövlət Neft Şirkətinin (ARDNŞ) prezidenti Rövnəq Abdullayev deyib. O qeyd edib ki, ARDNŞ-in öz yataqlarında və xarici şirkətlərlə birgə işlənən "Azəri-Çıraq-Günəşli" (AÇG) yataqlar blokunda azalma tempi tam aradan qaldırılıb.

R.Abdullayevin sözlərinə görə, hazırda neftin hasilat göstəriciləri hasilatın azalmasının dayandırıldığını təsdiq edir. “İlin sonuna cüzi artım ola bilər”, - deyə o vurğulayıb.