Toy mövsümü “Kilim mebel”in uğurlarını daha da artırıb

Payız fəslində mebel bazarımız necə inkişaf edir?

Azərbaycanda gənclər ailə qurarkən valideynlərin onlara cehiz, xüsusən müxtəlif mebel dəstləri almaları bir ənənədir. Bu, gənc ailənin rahat yaşamı üçün nəzərdə tutulur. Azərbaycanda toy mövsümü olan payızda mebel bazarında vəziyyət necə olub? Mebel bazarındakı şirkətlərin üzü gülübmü?

Lent.az məsələ ilə bağlı Türkiyənin “Kilim mebel” şirkətinin Azərbaycandakı rəsmi nümayəndəliyi olan “Angel” MMC-nin direktoru Pərviz Baxşəliyevə müraciət edib.

“Kilim mebel”in satışında 10 faizdən çox artım olub

“Angel” MMC-nin direktoru Pərviz Baxşəliyev Lent.az-a açıqlamasında bildirdi ki, bu şirkətin məhsullarına ilin bütün fəsillərində ciddi maraq olur və satışda problem yaşanmır. Ancaq ümumilikdə, Azərbaycanda mebel bazarı əsasən toy mövsümlərinə, gənc ailələrə hesablanıb. Toy mövsümlərində digər aylara nisbətən həmişə mebellərin satışında ciddi artım müşahidə olunur.

Bu il qlobal miqyasda iqtisadi böhran və bu böhranın Azərbaycana müəyyən dərəcədə təsirlərinə baxmayaraq, il ərzində “Kilim mebel” şirkəti mebel satışında uğurlara imza atıb. Xüsusən toyların çox olduğu bu payız mövsümündə “Kilim mebel”in məhsullarının satışında ciddi artım müşahidə olunub. Payız fəsli hələ başa çatmasa da, yay fəsli ilə müqayisədə bu artım 10 faizdən çoxdur: “Kilim mebel” şirkətinin mebel dəstlərinin 60 faizindən çoxu məhz toy mövsümlərində gənc ailələr üçün cehiz qismində alınır. Gənc ailələrə alınan mebellər içərisində yataq dəstləri xüsusi yer tutub”.

Pərviz Baxşəliyev onu da dedi ki, şirkət Ramazan ayında mebel satışında azalma gözləsə də, müsbət tendensiya qeydə alınıb və satışda azalma baş verməyib.

“Kilim mebel” markasına yeni tikilən binalara köçən ailələr də ciddi maraq göstərirlər və aparılan araşdırmalar da bunu təsdiqləyib. Pərviz Baxşəliyev qeyd etdi ki, yeni binalardakı mənzillərinə köçək ailələr mətbəx, oturacaq və digər mebel dəstləri almağa üstünlük verirlər.

Yeni modellər satışa çıxarılacaq

“Kilim mebel”in bu mövsüm yeni modelləri olacaq və həmin modellər yaxın vaxtlarda satışa çıxarılacaq: “Yeni oturacaq, mətbəx və yataq mebellərimiz olacaq. Bu mebelləri bu günlərdə alıcılarımıza təqdim edəcəyik”.

Bu mövsüm mebel satışındakı artım “Kilim mebel” şirkətinin mağazalar şəbəkəsi yaratmaq yönündə planlarını həyata keçirməsi üçün də əlverişli zəmin yaradıb. Yaxın vaxtlarda Bakının rayonlarının birində şirkətin mağazasını açması yönündə işlər sürətlənib. Pərviz Baxşəliyev dedi ki, hazırda mağazada tamamlama işləri aparılır və yaxın günlərdə bu barədə cəmiyyətə məlumat veriləcək.

Bütün bunlar göstərir ki, Azərbaycan mebel bazarında tanınmış şirkətlərin mebellərinə alıcılar ciddi maraq göstərir və işlərini effektiv quran şirkətlər bu bazarda özlərinə ciddi yer tutmağı bacarırlar.