Neft Fondunun büdcə hesabatı prezidentə təqdim olunub
11 iyun 2009 12:00 (UTC +04:00)

Neft Fondunun büdcə hesabatı prezidentə təqdim olunub

Bu gün Azərbaycan Respublikası Dövlət Neft Fondunun (ARDNF) Müşahidə Şurasının iclası keçirilib. Baş nazir, Şuranın sədri Artur Rasizadənin sədrliyi ilə keçirilən iclasda Fondun 2008-ci ildə fəaliyyəti haqqında illik hesabatı, maliyyə fəaliyyətinin auditinin nəticələri müzakirə olunub. İclasda həmçinin ARDNF-nin 2008-ci il büdcəsinin icrası məsələlərinə də baxılıb.

Fondun mətbuat xidmətindən Lent.az-a bildiriblər ki, Müşahidə Şurası qurumun 2008-ci ildə fəaliyyəti haqqında illik hesabatına, habelə maliyyə fəaliyyəti haqqında müstəqil auditorun (Deloyt ənd Tuş şirkətinin) hesabatına və rəyinə baxıb. Həmçinin fondun 2008-ci il büdcəsinin icrası layihəsini təsdiq olunmaq üçün prezidentə təqdim etmək barədə qərar çıxarılıb.

İclasın sonunda baş nazir Artur Rasizadə Dövlət Neft Fondunun Müşahidə Şurasının sədri seçilib.

Elxan SALAHOV
# 416

Oxşar yazılar