İpoteka Fondu xəbərdarlıq edir
11 iyun 2009 11:00 (UTC +04:00)

İpoteka Fondu xəbərdarlıq edir

Vətəndaşlar həm yeni, həm də köhnə binalardan ipoteka krediti hesabına yaşayış sahəsi ala bilərlər

Azərbaycan İpoteka Fondu (AİF) ipoteka kreditləri ilə bağlı məlumat yayıb. Məlumatda dövlət xətti ilə ipoteka kreditlərinin verilməsində yeni və ya köhnə binalarda yaşayış sahəsinin alınmasına hər hansı məhdudiyyətin olmadığı bir daha qeyd olunur.

Fondun mətbuat xidmətindən Lent.az-a bildiriblər ki, vətəndaşlar mövcud qaydalara əsasən, həm ilkin bazarda (yeni binalar), həm də təkrar bazarda (köhnə binalar) ipoteka krediti hesabına yaşayış sahəsi almaq üçün AİF-in müvəkkil kredit təşkilatlarına müraciət edə bilərlər.

AİF həmçinin bildirir ki, dövlət büdcəsində ipoteka kreditlərinin maliyyələşdirilməsi üçün nəzərdə tutulan vəsaitlərin AİF-ə köçürülməsi üçün artıq Azərbaycan Respublikasının Maliyyə Nazirliyinə müraciət olunmuşdur. Vəsaitin köçürülməsindən dərhal sonra güzəştli ipoteka kreditlərinin verilməsi prosesinə başlanılacaqdır.

İpoteka kreditlərinin verilməsi ilə bağlı bütün məlumatlar AİF-in veb saytında (www.amf.az) yerləşdirilmişdir. Əlavə məlumatları bu telefonlara zəng etməklə: 441-19-87, 441-47-16, 441-28-24 (daxili telefonlar: 1-23, 1-29), yaxud müvəkkil kredit təşkilatlarına birbaşa müraciət etməklə əldə etmək olar.

Elxan SALAHOV
# 1290

Oxşar yazılar