Bankomatların sayı artıb
10 iyun 2009 11:30 (UTC +04:00)

Bankomatların sayı artıb

Son bir ildə Azərbaycanda fəaliyyət göstərən bankomatlar və pos-terminalların sayı xeyli artıb. 2009-cu il mayın 1-ə olan məlumata görə, indi Azərbaycanda 1572 ədəd bankomat fəaliyyət göstərir.

Mərkəzi Bankın mətbuat xidmətindən Lent.az-a bildiriblər ki, ötən ilin müvafiq dövründə ölkə üzrə bankomatların sayı 1364 olub. 2009-cu ilin aprel ayının 1-nə bankomatların 882-si Bakı şəhərində, 690-ı isə digər şəhər və rayonlarda yerləşir. Bu dövrdə ölkə üzrə pos-terminalların sayı 8404 ədəd olub.

Bu göstərici də ötən ilin müvafiq dövrü ilə müqayisədə 1912 ədəd çoxdur. Mərkəzi Bankda bildirirlər ki, hazırda pos-terminalların 7588-i Bakı şəhərində, 816-sı isə digər regionlarda yerləşir.

Elxan SALAHOV
# 455

Oxşar yazılar