"Mançester Siti"nin baş məşqçisi Pep Qvardiola son 9 ildə ilk dəfə ardıcıl 4 oyunda məğlub olub və məşqçilik karyerasında şəxsi rekordunu təkrarlayıb.
Lent.az-ın xarici mediaya istinadla xəbərinə görə, “Mançester Siti” ispan mütəxəssisin rəhbərliyi altında Çempionlar Liqasında Portuqaliya “Sportinq”inə (1:4), Liqa kubokunda “Tottenhem”ə (1:2), İngiltərə Premyer Liqasında “Bornmut”a (1:2) və “Brayton”a (1:2) uduzub.
BBC-nin məlumatına görə, Brayton azarkeşləri Qvardiolaya onun səhər işdən çıxarılacağını oxuyublar. “Mançester Siti” 2006-cı ildən bəri ardıcıl dörd dəfə uduzmayıb.
Daha əvvəl məlum olmuşdu ki, Qvardiolanı Braziliya millisini çalışdırmağa dəvət etmək istəyirlər. Bildirilir ki, 53 yaşlı mütəxəssis Braziliya Futbol Konfederasiyasından gələn təkliflərə açıqdır və 2030-cu il dünya çempionatına göz dikərək bu ölkənin millisində çalışmağa hazırdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
