Bu qeyri-adi hadisə Ginnesin Rekordlar Kitabında qeyd edilib.
Meksikada yumurta yarmarkasında 2000-dən çox iştirakçı qaşıqda yumurta ilə qaçmaq yarışında iştirak etdikdə yeni dünya rekord müəyyənləşdirilib.
Lent.az-ın xarici KİV-ə istinadla xəbərinə görə, Quşçuluq Assosiasiyası Meksikanın Xalisko şəhərində quş yarmarkası təşkil edib və burada təxminən 2700 yerli orta məktəb şagirdi yumurtaları qaşıqlarda aparmaq üçün 100 metrlik yarışda iştirak edib.
Ginnesin Rekordlar Kitabı yalnız 2039 iştirakçının heç bir qayda pozmadan yarışı tamamladığını müəyyən edib, lakin hadisə yenə də "ən böyük yumurta və qaşıq yarışı" olaraq qeyd edilib.
Əvvəlki analoji rekordun Londonda qeydə alındığı məlumdur. Oradakı yarışda 1400 nəfər iştirak edib.
Meksikanın yumurtalarının 50,4 faizinnin istehsal olunduğu Xalisko ştatında keçirilən yarmarkanın özündə digər müsabiqələr və 100 müxtəlif yumurta yeməklərindən ibarət kulinariya sərgisi də nümayiş etdirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
