“Qarabağ” Çempionlar Liqasında mübarizəyə başlayır

“Qarabağ” bu gün Çempionlar Liqasında mübarizəyə başlayacaq.

Apasport.az xəbər verir ki, Qurban Qurbanovun rəhbərlik etdiyi kollektiv səfərdə “Linkoln”la qarşılaşacaq. Görüşün baş hakimi macarıstanlı İştvan Vad olacaq.

Bakı vaxtilə saat 20:00-da keçiriləcək matç Cəbəllütariqdə baş tutacaq. Matç “CBC Sport” telekanalından canlı yayımlanacaq.

Komandalar arasında cavab görüşü isə 1 həftə sonra Bakıda olacaq.

Qeyd edək ki, Ağdam təmsilçisi "Linkoln" (Cəbəllütariq) səddini aşacağı təqdirdə, "Ludoqorets" (Bolqarıstan) - "Dinamo" (Minsk, Belarus) cütünün qalibi ilə qarşılaşacaq.

23 iyul

Çempionlar Liqası,

II təsnifat mərhələsi, ilk oyun.

20:00. "Linkoln" - "Qarabağ"

Baş hakim: İştvan Vad (Macarıstan)