Bakıda qoruyucu maska tapılmır, Moskvada isə pulsuz paylanır
12 noyabr 2009 10:00 (UTC +04:00)

Bakıda qoruyucu maska tapılmır, Moskvada isə pulsuz paylanır

Futbol qarşılaşmasını stadionda izləyəcək bütün azarkeşlərə maska paylanacaq

Futbol üzrə Rusiya və Sloveniya milli komandaları arasında keçiriləcək 2010-cu il dünya çempionatının pley-off matçını izləməyə gələcək bütün azarkeşlərə “donuz qripi” əleyhinə pulsuz qoruyucu maskalar təklif olunacaq.


Lent.az-ın məlumatına görə, bu barədə Rusiya Futbol İttifaqının ölkənin Fövqəladə Hallar, Daxili İşlər və Səhiyyə nazirliklərinin əməkdaşları birgə keçirdiyi iclasda qərar qəbul olunub.


Rusiya – Sloveniya qarşılaşması noyabrın 14-də Moskvadakı “Lujniki” stadionunda baş tutacaq. Oyun Bakı vaxtı ilə saat 20:00-da başlanacaq. Noyabrın 18-də Sloveniyanın paytaxtı Mariborda olacaq cavab görüşünün start fiti isə 23:45-də veriləcək.


İki oyunun nəticələrinin cəmində qələbə qazanacaq yığma dünya çempionatının final mərhələsinə yüksələcək.

Digər pley-off matçlarının tərkibi: İrlandiya - Fransa, Portuqaliya – Bosniya və Herseqovina, Yunanıstan – Ukrayna.
# 560

Oxşar yazılar