Arda Turan Türkiyə millisindən kənarlaşdırıldı
07 oktyabr 2010 15:52 (UTC +04:00)

Arda Turan Türkiyə millisindən kənarlaşdırıldı

Lent.az-ın Türkiyə Futbol Federasiyasının rəsmi saytına istinadən verdiyi məlumata görə, 23 yaşlı yarımmüdafiəçinin qasıq nahiyəsindəki ağrıları səngimədiyi üçün belə bir qərar verilib.

Bu isə o deməkdir ki, “ay-ulduzlular”ın aparıcı oyunçusu oktyabrın 8-də Almaniya, bundan 4 gün sonra isə Azərbaycan yığmaları ilə keçirəcəyi oyunlarda iştirak etməyəcək.


Qeyd edək ki, Türkiyə yığmasının baş məşqçisi Qus Hiddink Arda Turanı ağrıları tam keçmədiyi halda qarşıdakı iki oyuna çağırıb. Oktyabrın 5-də məşq vaxtı Ardanın ağrıları güclənib. Nəticədə futbolçu çalışmaları yarımçıq qoyub. Bundan sonra yarımmüdafiəçinin həkim nəzarətində saxlanılmasına və irəliləyiş olacağı halda Almaniya və Azərbaycanla görüşlərdə iştirakına qərar verilib. Lakin həkimlər ötən iki gün ərzində Turanın sağlıq durumunda müsbət dinamika hiss etməyiblər.
# 488

Oxşar yazılar