İndiyə qədər tutulan və əsirlikdə saxlanılan ən böyük timsah Lolonq olub. Onun uzunluğu 6,17 metrdir.
Lent.az xarici mediaya istinadla xəbər verir ki, bu erkək dəniz timsahı 2011-ci ilin noyabrında rəsmi olaraq ölçülüb, lakin ondan əvvəl sentyabr ayında vəhşi təbiətdə tutulub.
Timsahın ovu yalnız onun nəhəng ölçüsünə görə deyildi. Bu heyvanın 2009-cu ildə baş vermiş iki ölümcül hücuma (bir qızın və bir balıqçının ölümü) və çoxsaylı mal-qaraya hücumlara görə məsuliyyət daşıdığı güman olunurdu. Qəti sübutlar olmasa da, məsuliyyət məhz Lolonqun üzərinə qoyulmuşdu.
Onu tutmaq asan olmayıb. Peşəkar ovçulara və yerli hakimiyyətə bunu etmək üçün üç həftə, 100 kənd sakininin köməyi və hətta bataqlıqdan çıxarmaq üçün kran lazım olub.
Sonradan Lolonq qonşu şəhərə aparılıb və onun üçün xüsusi tikilmiş qapalı sahəyə yerləşdirilib. Orada timsah hər beş gündən bir 17 kiloqramdan çox donuz əti yeyib. Nəhəng sürünən tezliklə şəhərin əsas attraksionuna çevrilib.
Timsaha ov zamanı insult keçirərək vəfat edən yerli ovçu Ernesto “Lolonq” Konatenin şərəfinə bu ad verilib.
Heyvanın ölçüsü Ginnesin Rekordlar Kitabında rəsmi olaraq qeydə alınıb. Lolonq “dünyanın ən böyük timsahı” titulunu uzunluğu 5,48 metr olan Avstraliya timsahı “Kassius Kley”dən alıb.
Lolonq əsirlikdə çox yaşamayıb. 2013-cü il fevralın 10-da ölüb. Heyvan haqları müdafiəçiləri bildiriblər ki, aparılan yarılma timsahın beton qəfəsdə, dayaz hovuzda saxlanıldığını göstərib və bu, onun gec mərhələdə sətəlcəmdən, ürək çatışmazlığından, çoxorqan çatışmazlığından və uyğunlaşma stressindən ölümünü sürətləndirib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
