Biz adətən vaxtından əvvəl qocalma səbəbini stresdə, yuxusuzluqda və ya düzgün qidalanmamada axtarırıq. Amma çox az adam düşünür ki, evimiz daxili vəziyyətimizin aynasıdır.
Lent.az-ın xarici mediaya istinadla xəbərinə görə, bəzi şeylər bizə adi və rahat görünsə də, əslində enerjimizi tükəndirir, yorğunluq və halsızlıq yaradır, ümumi vəziyyətimizi pisləşdirir.
Gəncliyi və gözəlliyi qorumaq üçün evdən nələri çıxarmaq lazımdır?
Köhnə geyimlər.
Uzun müddətdir geyinmədiyiniz paltarlar keçmişin enerjisini, inciyi, yorğunluğu, inamsızlığı saxlayır. Onlar yenilənməni bloklayır və irəliləməyə mane olur. Əgər geyim sizə sevinc gətirmirsə və ya xoş xatirələrlə bağlı deyilsə, ondan qurtulmağın vaxtıdır.
Məsləhət: yalnız gözəlliyinizi vurğulayan və daxili halınıza uyğun geyimləri saxlayın.
Sınıq əşyalar və lazımsız xırdalıqlar
Psixoloqlar bunu “xırda xaos effekti” adlandırır, hətta vazadakı kiçik bir çat və ya işləməyən lampa belə, enerjini tükəndirir. İnsan sanki həyatı da bu əşyalarla birgə dağılırmış kimi hiss edir. Bütün sınıq əşyalardan qurtulun və ya təmir edin. Evin enerjisinin necə dəyişdiyini dərhal hiss edəcəksiniz.
Zəif işıqlandırma
Evdə işığın az olması serotonin – “xoşbəxtlik hormonu”nun səviyyəsini azaldır. Daimi yarıqaranlıq yorğunluq yaradır, dərinin vəziyyətini və əhvalı pisləşdirir. Gündüz pəncərələri açın, isti və yumşaq işıqdan istifadə edin, güzgüləri isə təbii işığı əks etdirəcək şəkildə yerləşdirin.
Pis qoxular və durğun hava
Evdə toz, siqaret tüstüsü və ya köhnə qoxular toplananda havadakı oksigen azalır. Nəticədə beyin və dəri lazımi qidalanmanı almır, insan yorğun və tükənmiş görünür. Otaqları mütəmadi havalandırın, efir yağlarından və ya təbii otlardan, lavanda, nanə, rozmarindən istifadə edin.
Səhv yerləşdirilmiş güzgülər
Məkan psixologiyasına görə, güzgü enerjini həm artırır, həm də azalda bilər. Əgər o, yatağın və ya giriş qapısının qarşısında yerləşibsə, bu, yuxusuzluq, narahatlıq və emosional gərginlik yaradır. Ən yaxşısı güzgünü işığı və ya gözəl mənzərəni əks etdirəcək yerə qoymaqdır, istirahət etdiyiniz an sizi əks etdirməsin.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
