Yol polisi alayının rüşvətxor komandiri HƏBS OLUNDU

Rusiyanın Voronej vilayətinin Pavlovski rayon məhkəməsi iki keçmiş yol polisi əməkdaşını vəzifə səlahiyyətlərindən sistematik şəkildə sui-istifadə etməkdə və ümumilikdə 2,1 milyon rubldan çox rüşvət almaqda təqsirli bilib.

Lent.az yerli mediaya istinadla bildirir ki, 2019-cu ildən 2021-ci ilə qədər DYP-nin keçmiş komandiri və onun tabeliyində olan tağım komandiri tanışlarını qanunsuz olaraq inzibati məsuliyyətdən azad ediblər. Bundan əlavə, xidmətdə ümumi razılığa görə tabe müfəttişlərdən pul mükafatları alıblar.

Məhkəmə ekspertizalar və şahid ifadələri də daxil olmaqla sübutlara əsaslanaraq, keçmiş alay komandirini 9,5 il, onun tabeliyində olan şəxsi isə 4,3 milyon rubl məbləğində cərimə ilə ciddi rejimli cəzaçəkmə müəssisəsində 8,5 il müddətinə azadlıqdan məhrum edib. Bundan başqa, onların aldıqları rüşvət də əllərindən alınıb və dövlət büdcəsinə köçürülüb. Hər ikisi rütbələrindən və azadlığa çıxdıqdan sonra beş il dövlət vəzifələrində işləmək hüququndan məhrum edilib.