Abşeronda intihar edən yeniyetmə qızın kimliyi məlum olub.
Lent.az-ın əldə etdiyi xəbərə görə, araşdırmalar nəticəsində özünü binadan atan qızın əfqan əsilli, 2008-ci il təvəllüdlü Omid Şəbnəm Abdullah qızı olması müəyyən edilib.
İddialara görə, Şəbnəm bir müddət əvvəl həmin binadan özünü ataraq intihar edən qızın rəfiqəsi olub.
Faktla bağlı cinayət işi başlanıb, araşdırma aparılır.
***
Saat 15:38
Xırdalanda özünü binadan atan qız yeniyetmə olub.
Bu barədə Lent.az-a bina sakinləri məlumat veriblər.
Qeyd olunub ki, qızın intihar etdiyi binadan bir müddət əvvəl başqa bir qız da özünü atıbmış.
Sakinlər onu da qeyd edib ki, özünü binadan atan qız həyətdə oynayan uşaqların qarşısına düşüb. Nəticədə uşaqlar qorxublar.
Eyni binada qısa bir müddət ərzində ikinci intiharın baş verməsi sakinləri ciddi narahat edib.
***
saat 14:53
Abşeronda intihar hadisəsi olub.
Lent.az-ın məlumatına görə, hadisə Xırdalan şəhəri, "Kristal Abşeron"da baş verib. Ad və soyadı hələlik bilinməyən qadın özünü binadan ataraq, həyatına son qoyub.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
