Bakıda daha bir qadın yoxa çıxdı - AXTARILIR

Bakıda orta yaşlı qadın itkin düşdü.

Bu barədə qadının ailə üzvləri polis şöbəsinə müraciət edib.

Daxili İşlər Nazirliyindən Lent.az-a verilən məlumata görə, oktyabrın 13-də günorta radələrində qəsəbə sakini 1977-ci il təvəllüdlü Nigar Rüstəmova yaşadığı evdən çıxıb bir daha geri qayıtmayıb. Yaxınları N.Rüstəmovanın itkin düşməsi ilə bağlı Sabunçu rayon 12-ci polis şöbəsinə müraciət ediblər.

12-ci polis şöbəsinin əməkdaşları tərəfindən qadının axtarış tədbirləri davam etdirilir.