Gəncə şəhərində yolu keçmək istəyən iki tələbəni maşın vurub. APA-nın qərb bürosunun məlumata görə, Gəncə Dövlət Universitetinin ikinci kurs tələbələri, Şəmkir rayonun Qaralar kənd sakini, 20 yaşlı Zöhrə Sarıyeva və rayonun Qılıncbəyli kənd sakini, 19 yaşlı Xanım Əliyeva müxtəlif bədən xəsarətləri ilə Gəncə şəhər Təcili Tibbi Yardım Xəstəxanasına yerləşdirilib.
Tələbələrə tibbi yardım göstərilib, hazırda onların vəziyyətinin normal olduğu bildirilir.
Polis əməkdaşlarının apardıqları araşdırmalar zamanı məlum olub ki, Zöhrə Sarıyeva və Xanım Əliyeva şəhərin Nizami küçəsində yolu keçmək istəyərkən Gəncə şəhər sakini, 23 yaşlı Üfüq Əliyevin idarə etdiyi “VAZ 21015” markalı avtomobil tərəfindən vurulub. Faktla bağlı Gəncə şəhər Baş Polis İdarəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
