Bakının Neftçilər prospektində ağır yol qəzası baş verib. APA-nın məlumatına görə, "Tofaş" markalı avtomobilin sürücüsü "Azneft" meydanına doğru hərəkətdə olarkən idarəetməni itirib və yol kənarındakı geyim mağazalarından birinə girib.
Nəticədə sürücü ağır bədən xəsarətləri alıb. FHN-in Xüsusi Riskli Xilasetmə Xidmətinin xilasediciləri sürücünü maşından çıxarıblar. Yaralı 3 saylı Şəhər Klinik Xəstəxanasına çatdırılıb. Hadisəyə səbəb kimi sürücünün avtomaşını yüksək sürətlə idarə etməsi göstərilir.
Səbayel Rayon Polis İdarəsindən verilən məlumata görə, faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
