Bakıda qadın üstünə benzin tökərək özünü yandırıb

Bu gün saat 14:34 radələrində Bakının Nəsimi rayonu ərazisində qadın özünü yandıraraq intihar edib. Lent.az-ın anspress-ə istinadən verdiyi məlumata görə, Asif Məhərrəmov küçəsi 38 ünvanında yaşayan Şəfiqə Quliyeva üstünə benzin tökərək özünü yandırıb. Dərhal hadisə yerinə həkim və polis əməkdaşları çağırıb. Qadın 5 saylı xəstəxanaya çatdırılıb.

Hazırda hadisə yerində əməliyyat qrupu çalışır. Qadının nə səbəbdən intihar etmək istəməsi araşdırılır.

5 saylı şəhər xəstəxanasından Lent.az-a bildirilib ki, ağır vəziyyətdə xəstəxanaya gətirilən qadın reanimasiya şöbəsinə yerləşdirilib.