Göyçayda evdən oğurluq olub.
Daxili İşlər Nazirliyi mətbuat xidmətinin Şəki regional qrupundan Lent.az-a verilən məlumata görə, “102” Zəng Mərkəzinə Göyçay rayonunun Potu kəndindəki evlərin birindən 20 min manat pulu naməlum şəxs və yaxud şəxslərin oğurlaması barədə müraciət daxil olub. Müraciət əsasında polis əməkdaşları hadisə yerinə baxıb, zəruri əməliyyat-istintaq tədbirləri keçirilib. Nəticədə cinayət əməlini törədənin zərərçəkənin qonşusu, Potu kənd sakini Şəmil Əmrahov olduğu müəyyən edilib və o, şübhəli şəxs qismində saxlanılıb.
Saxlanılan şəxs ifadəsində törətdiyi cinayət əməlini etiraf edib və oğurladığı pulları özünə məxsus bağ sahəsində ağacın dibində gizlətdiyini bildirib. Pullar həmin yerdən götürülüb və maddi sübut kimi istintaqa təqdim olunub.
Faktla bağlı Göyçay rayon Polis Şöbəsinə cinayət işi başlanılıb, istintaq aparılır.
edsdsds.jpg)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
