"Mən əsas Ramal Aslanovun tutulmasını istəyirəm, çünki mənimlə düşmənçilik edən odur".
Bunu "Lent.az-a açıqlamasında idmançıların hücumuna məruz qalan DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalov deyib.
Fuad Zeynalov bildirib ki, hücumun iştirakçı olan 3 nəfər barəsində bu gün məhkəmənin çıxardığı həbs qətimkan qərarı onu bir o qədər də qane etmir:
"Mənə hücum edən 3 şəxs qurbanlıq quzulardı. Onların aqibəti mənə maraqlı deyil. Mənim əsas tələbim və marağımda olan hücumun təşkilatçısı olan Ramal Aslanovun həbs edilməsidir. O qanun qarşısında cavab verməlidir. Ona havadarlıq edənləri də tanıyıram, gec-tez hamıya hər şey məlum olacaq. Ramalın əvvəldən mənimlə ədavəti olub. Ötən il Afinada yarışda olanda mənə hücum etmişdi. O zaman əlim cibimdə olanda anidən hücum edib mənə xəsarət yetirmişdi".
Fuad Zeynalov həmçinin sonuncu hadisənin detallarını da açıqlayıb: "Yaşadığım binanın qarşısında mənə hücum etdilər. Onlar 3 maşınla gəlmişdilər. Hadisənin bütün detalları kameralara düşüb. Ramal həmin şəxslərə təlimat verir, sonra avtomobilinə oturur. Ümid edirəm ki, Ramal Aslanov bu hərəkətinə görə qanun qarşısında cavab verəcək".
Qeyd edək ki, yanvarın 4-də saat 03 radələrində paytaxtın Xətai rayonunda bir qrup idmançı xuliqanlıq zəminində insident törədib.
Belə ki, bir qrup idmançıə DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum edərək onu döyüblər.
Hadisə ilə bağlı idmançılar - Elnur Həmidov, Elçin Hüseynov və Musa Əhmədov həbs ediliblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
