İranlı narkotacir polisdən qurtulmaq üçün özünü binadan atdı

Türkiyədə narkotik alverçilərinə qarşı əməliyyat keçirilib.

Lent.az yerli mediaya istinadla xəbər verir ki, əməliyyat İstanbul şəhərinin Esenyurt adlanan ərazisində baş tutub. Polisə ərazidəki 11 mərtəbəli binanın 5-ci mərtəbəsində narkotacirlərin olması barədə məlumat daxil olub.

Əməliyyat zamanı isə gözlənilməz hadisə yaşanıb. İran əsilli M.E. polisə yaxalanmamaq üçün özünü 5-ci mərtəbədən atıb. Polislər xəsarət alan şəxs üçün təcili tibbi yardıma məlumat veriblər və o, xəstəxanaya yerləşdirilib.

Həmçinin evdə olan digər şübhəli də saxlanılıb. Araşdırmalar davam etdirilir.