Rusiyanın Voronej vilayətində elektrik yarımstansiyalarını yandırmaqda ittiham olunan polis əməkdaşı həbs edilib.
Lent.az yerli mediaya istinadla bildirir ki, təqsirləndirilən şəxs cinayətin baş vermə şəraiti ilə bağlı dindirilib, hadisə yerində aparılan araşdırma zamanı onu təsdiqləyən ifadə verib. İstintaq yaxın vaxtlarda ittiham irəli sürməyi planlaşdırır.
Müstəntiqlər cinayətin bütün hallarını aydınlaşdırmaqda davam edirlər.
Bir gün əvvəl Voronej vilayətinin Povorinski rayonunun Mazurka kəndində polis əməkdaşının elektrik stansiyasının transformatorunu yandırması barədə məlumat yayılıb. Bir neçə dəqiqədən sonra həmin şəxs hadisə yerində saxlanılıb. Yanğın törədənin yerli polis əməkdaşı Andrey A olduğu üzə çıxıb. Onun hərəkətləri nəticəsində 1000-dən çox insan işıqsız qalıb.
Qeyd olunur ki, hüquq-mühafizə orqanının əməkdaşı əvvəlcə Povorinski rayonunun Bayçurovo və Rojdestvenskoye kəndlərində, həmçinin Borisoqlebski rayonunun Tantsyrey qəsəbəsində təxribat törətməyə cəhd edib. Daha sonra o, saxlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
