Azərbaycana gətirmək istədiyi pullar əlindən alındı

Rusiyanın Xanti-Mansiski Muxtar Dairəsinin Surqut şəhərində sərnişinlər Tacikistan, Özbəkistan və Azərbaycana ümumilikdə yarım milyona yaxın bəyan edilməmiş rubl aparmağa cəhd ediblər.

Lent.az yerli mediaya istinadla bildirir ki, qanuna görə, sərnişinlər 10 min dollardan çox olmayan pul götürə bilər. Həddi aşan hər şey müsadirə edilir.

"Hər altı halda, qanun pozucuları müstəqil olaraq beynəlxalq uçuşların yola salınma zonasının "yaşıl" dəhlizindən keçərək, məcburi bəyan edilməli mallarının olmadığını bəyan ediblər", - Tümen Gömrük bildirir. Yoxlama zamanı gömrükçülər baqajda icazə verilən limitdən artıq pul aşkar ediblər. 450 min rubl cinayət obyekti olub.

Əgər cari məzənnə ilə 10 min ABŞ dolları ekvivalentindən artıq olmayan məbləğiniz varsa, gömrük sərhədindən nağd pulu bəyan etmədən keçə bilərsiniz. Ümumilikdə ilin əvvəlindən “qaçaqmalçılardan” təxminən 4 milyon rubl müsadirə edilib.