38 yaşlı kişi yuxudan ayılıb özünü asdı

Fevralın 2-də səhər saat 07.00 radələrində Bakıda intihar hadisəsi baş verib.

Sabunçu rayon Prokurorluğundan Lent.az-a verilən məlumata görə, Balaxanı qəsəbəsi, Dirçəliş küçəsi 33 ünvanında yaşayan 1973-cü il təvəllüdlü Aydınov Asif Mirzə oğlu özünü asıb. O, səhər tezdən işə getməyə hazırlaşıb, əl-üzünü yumaq üçün həyətdəki hamama gedib. Lakin bir müddət keçməsinə baxmayaraq, A.Aydınov qayıtmayıb. Yaxınları daha sora onun hamamda asılmış meyitini görüncə dəhşətə gəliblər.

Faktla bağlı Cinayət Məcəlləsinin 125-ci maddəsi ilə (özünü öldürmə həddinə çatdırma) cinayət iş başlanılıb.

Nizam Rza