Bakıda Pakistan vətəndaşını soyublar

Bakının Sabunçu rayonunda xarici vətəndaşını soyublar.

Bakı Şəhər Baş Polis İdarəsindən Lent.az-a verilən məlumata görə, naməlum şəxslər Maştağa qəsəbəsi, Badamlıq deyilən ərazidə Pakistan Respublikasının vətəndaşı, 1980-ci il təvəllüdlü Sami Bhatti Vasimə zor tətbiq etməklə mobil telefonunu və 160 manatını alıblar.

S.Vasim Sabunçu Rayon Polis İdarəsinə şikayət ərizəsi ilə müraciət edib. Keçirilmiş əməliyyat-axtarış tədbirləri nəticəsində əcnəbi vətəndaşa qarşı soyğunçuluq edənlər 1987-ci il təvəllüdlü Ramin Allahyar oğlu Məmmədov və 1975-ci il təvəllüdlü Eldəniz Əli oğlu Mehdiyev saxlanılıb.

Faktla bağlı cinayət işi başlanılıb, araşdırma aparılır.

Şəhriyar Əlizadə