Milli Ordunun əsgəri şəhid olub

Azərbaycan Ordusunun bir əsgəri şəhid olub, digəri isə yaralanıb.

APA-nın Qarabağ bürosunun xəbərində görə, Ermənistan Silahlı Qüvvələrinin cəbhənin Cəbrayıl rayonunun Cocuq Mərcanlı kəndi istiqamətində atəşkəsi pozması nəticəsində Azərbaycan Ordusunun əsgəri 1990-cı il təvəllüdlü Mehdiyev Rza Ənvər oğlu aldığı güllə yarasından həlak olub.

Şəhid olan əsgər Sumqayıt şəhər Hərbi Komissarlığından 2008-ci ilin oktyabrında hərbi xidmətə çağırılıb. Əsgər Sadıqov Elman isə yaralanıb. Onun Tovuz rayon Hərbi Komissarlığından hərbi xidmətə çağırıldığı bildirilib.