70 usta Bakı-Sumqayıt yolunu bağlamağa cəhd edib

Bu gün saat 11.00 radələrində bir qrup şəxs Bakı-Sumqayıt yolunu bağlamağa cəhd edib. Aksiya iştirakçılarından Kamran Yunusov Lent.az-a bildirib ki, buna səbəb yaxınlıqdakı ticarət mərkəzi rəhbərliyinin onların pulunu verməməsidir: “Biz ustayıq. Masazırla Sumqayıt arasındakı “Ədliyat” ticarət mərkəzində suvaq, kafel-metlax və s. işlər görmüşük. Ticarət mərkəzi təxminən bir aydır fəaliyyət göstərir. Lakin bizim – təxminən 70 nəfər ustanın pulunu vermirlər. Baxmayaraq ki, indiyə qədər müxtəlif günlər təyin edərək pulumuzu verməyə söz veriblər. Ancaq sonradan aldadıldığımızı bilmişik. Ustalardan eləsi var 2 min, eləsi də var 2 yüz manat alacağı var”.

K.Yunusov yolun bağlanmasına imkan verilmədiyini deyib.

Pərvin ABBASOV