Tələbə qızı qarət edən şəxs tutuldu

Bakıda soyğunçuluqda təqsirləndirilən şəxs yaxalanıb.

Bakı Şəhər Baş Polis İdarəsindən Lent.az-a verilən məlumata görə, naməlum şəxs 1988-ci il təvəllüdlü Səbinə Nəsrəddin qızı Əliyevaya zor tətbiq edərək içərisində 100 manat, 500 ABŞ dolları, mobil telefon, tələbə bileti və 3 ədəd bankomat kartı olan əl çantasını əlindən alıb qaçıb.

Bakı Şəhər Baş Polis İdarəsi Cinayət Axtarış İdarəsinin (CAİ) əməkdaşlarının keçirdiyi əməliyyat-axtarış tədbirləri nəticəsində soyğunçuluqda şübhəli bilinən, 1985-ci il təvəllüdlü Kəramət Vəli oğlu Sadıxov saxlanılıb.

Faktla bağlı araşdırma aparılır.

Şəhriyar Əlizadə