İstanbulda gəlin maşınından düşən 3 nəfər firmanın mühasibini silahla yaralayaraq, bankdan çıxardığı 1 700 000 lirəni (təxminən 515 000 manat) əlindən alıblar.
Lent.az-ın Türkiyə KİV-nə istinadən verdiyi məlumata görə, firmalardan birində mühasib işləyən Kamil Aldağ və iş yoldaşı yol kənarındakı bankdan pul götürdükdən sonra maşınlarına doğru gediblər. Bu zaman maşının qeydiyyat nişanını “Evlənirik” sözü ilə örtən gəlin maşınından 3 adam düşüb.
Onlardan biri əlindəki silahla Aldağa atəş açıb. Ayağından yaralanan Kamil Aldağ yerə yıxılan zaman 3 nəfər onun əlindəki pulu götürərək, maşınları ilə oradan uzaqlaşıblar. Polis verilən məlumat əsasında hadisə yerinə gəlib və yaralını xəstəxanaya aparıb. Hadisə yerini araşdıran polislər daha sonra əməliyyat tədbirlərinə başlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
