Rusiya ordusu Kursk vilayətini Ukrayna qoşunlarından geri ala bilmədi - Hücum dayandırıldı

Rusiyanın Ukrayna qoşunlarının işğal olunmuş ərazilərə nəzarəti bərpa etmək cəhdlərinin qarşısını Ukrayna Silahlı Qüvvələri alıb.

Rusiya ordusunun Ukrayna Silahlı Qüvvələrinin nəzarətinə götürdüyü Kursk vilayətinin ərazilərini geri almağa cəhd etməsinə baxmayaraq, bu əks-hücum uğursuz alınıb.

Lent.az bildirir ki, bu barədə AFP agentliyi məlumat yayıb.
Kursk vilayətinin hərbi komendantlığının nümayəndəsi Aleksey Dmitraşkovskinin sözlərinə görə, Rusiya qoşunları cinahlardan hücuma keçməyə cəhd etsə də, onların hərəkətləri dayandırılıb.

"Vəziyyət stabilləşib, indi hər şey nəzarət altındadır. Onlar uğur qazana bilmədilər", - Dmitraşkovski bildirib.

O, əlavə edib ki, Ukrayna tərəfi Rusiya qüvvələrinin “kiçik uğuru”nu qeydə alıb: ruslar yaşayış məntəqələrindən birini ələ keçirib, digərinin ardınca döyüşməyə başlayıblar, amma bu qədər.

Kursk vilayətindəki hərbi komendaturanın nümayəndəsi də avqustun sonundan bu yana Rusiyanın bölgəni atəşə tutması nəticəsində 23 mülki vətəndaşın həlak olduğunu bildirib və itkilər arasında həm mülki şəxslər, həm də Ukrayna hərbçilərinin olduğunu vurğulayıb.

Ukrayna prezidenti Vladimir Zelenski sentyabrın 13-də deyib ki, ruslar Kursk vilayətində “sürətli hücum hərəkətlərini” gücləndirib, lakin əhəmiyyətli nəticələr əldə etməyiblər.