Rusiya Odessanı “İskəndər”lə vurdu: 10 nəfər öldü -VİDEO -YENİLƏNİB

Noyabrın 19-u 10 nəfərin ölümünə səbəb olan raket hücumu ilə əlaqədar Odessada matəm günü elan edilib.

Lent.az-ın xarici mediaya istinadən xəbərinə görə, bunu Odessa vilayəti administrasiyasının rəhbəri Oleq Kiper bildirib.

Rusiyanın Odessaya “İskəndər-M” ballistik raketi ilə hücumu nəticəsində yaralanaların sayı isə 47 nəfərdir.

***

16:58

Noyabrın 18-də Odessa yenidən raket hücumuna məruz qalıb.

Lent.az-ın xarici KİV-ə istinadla məlumatına görə, uşaqlar da daxil olmaqla 8 nəfər ölüb, 40-a yaxın insan yaralanıb. Onların arasında həkimlər, polislər, sadə mülki şəxslər var

Hərbi Hava Qüvvələrinin məlumatına görə, yerli vaxtla saat 11.57-də Rusiya ordusu Odessaya “İskəndər-M” ballistik raketi ilə hücum edib və o, hava hücumundan müdafiə vasitəsi ilə vurulub.

“Təəssüf ki, vurulan raket şəhərin Primorski rayonunun yaşayış məntəqəsinə düşüb və çoxlu dağıntıya səbəb olub.